Rain in Gheli Chitra: પોતાની સચોટ આગાહી માટે જાણીતા હવામાન નિષ્ણાંત અંબાલાલ પટેલે કહ્યું કે નવરાત્રિ સમયે ગુજરાતમાં વરસાદ પડી શકે છે. એટલે કે નવરાત્રિમાં ગરબે રમતા ખેલૈયાઓના રંગમાં વરસાદ ભંગ પાડી શકે છે. અંબાલાલની આગાહી પ્રમાણે 10 ઓક્ટોબરથી બેસતા ચિત્રા નક્ષત્રમાં વરસાદની આગાહી કરવામાં આવી છે. બીજીતરફ ગુજરાતમાં દિવાળી સુધી વાદળછાયું વાતાવરણ જોવા મળી શકે છે.
હવામાનની આગાહી કરવા અંબાલાલ પટેલે કહ્યું કે આ વખતે નવરાત્રિમાં વરસાદ પડી શકે છે. ગુજરાતમાં વરસાદની સિસ્ટમ લાંબા સમય સુધી રહેવાની સંભાવના છે. અંબાલાલ પ્રમાણે નવરાત્રિ દરમિયાન કેટલાક જિલ્લાઓમાં વરસાદ પડી શકે છે. તો દિવાળી સુધી રાજ્યમાં વરસાદી માહોલ જોવા મળી શકે છે.
આ પણ વાંચો : પોટલાં બાંધી લેજો, મૂશળધાર વરસાદ પડશે, અંબાલાલ પટેલ અને પરેશ ગોસ્વામીની ખતરનાક આગાહી
અંબાલાલ પટેલે કહ્યું કે ગુજરાતમાં 22 સપ્ટેમ્બરથી વરસાદની નવી સિસ્ટમ સક્રિય થવાની છે. આ દરમિયાન દક્ષિણ ગુજરાત, મધ્ય ગુજરાતમાં ભારે વરસાદ પડી શકે છે. ભારે વરસાદને કારણે નર્મદા નદી બે કાંઠે વહેતી થશે. અંબાલાલે કહ્યું કે આ વખતે ચોમાસાની વિદાય વિલંબથી થશે. એટલે કે રાજ્યમાં હાલ વરસાદી સિસ્ટમ સક્રિય રહેવાની છે.
અંબાલાલ પટેલે કહ્યું કે રાજ્યના હવામાનમાં સાત સપ્ટેમ્બર સુધી પલટો જોવા મળશે. 7-8 તારીખે એક મજબૂત સિસ્ટમ બની રહી છે. આ સિસ્ટમ 9થી 11 તારીખ સુધીમાં ડીપ ડિપ્રેશનમાં ફેરવાઈ શકે છે. આ સિસ્યમ આગળ વધી પૂર્વ ભારત થઈ મધ્ય પ્રદેશ તરફ આવી શકે છે. જેથી 10થી 12 સપ્ટેમ્બર અને ત્યારબાદ પણ વરસાદની સંભાવના
અંબાલાલ પટેલે ઉત્તર ગુજરાત માટે આગાહી કરતા જણાવ્યું કે સાબરકાંઠા, મહેસાણા અને બનાસકાંઠામાં ભારે વરસાદ પડી શકે છે. અંબાલાલ પટેલે જણાવ્યું કે 7-8 સપ્ટેમ્બરે બંગાળની ખાડીમાં ઉથલપાથલ જોવા મળશે. આ સિસ્ટમ ડિપ્રેશનમાં ફેરવાઈ શકે છે. જેથી દક્ષિણ ગુજરાતમાં ભારે વરસાદ પડી શકે છે. અંબાલાલે કહ્યું કે ચંદ્ર કાળા વાદળોને ઢાંશે તો હલચલ વધશે અને દયિરામાં ભારે પવન ફૂંકાશે
ગુજરાતમાં આગામી 7 દિવસ માટે હવામાન વિભાગની નવી આગાહી આવી ગઈ છે. આગામી 7 દિવસ રાજ્યના મોટાભાગના જિલ્લાઓમાં વરસાદની આગાહી છે. આજે અને આવતીકાલે રાજ્યના ઉત્તર અને પૂર્વી જિલ્લાઓમાં છુટાછવાયા ભારે વરસાદની આગાહી છે. હવામાન વિભાગના ડાયરેક્ટર એકે દાસે અનેક જિલ્લાઓને ઓરેન્જ એલર્ટ આપ્યું છે.
આવતીકાલે 7 સપ્ટેમ્બરે અરવલ્લી અને મહીસાગરમાં છુટોછવાયો ભારેથી અતિભારે વરસાદ આવી શકે છે. આવતીકાલે સાબરકાંઠા, ગાંધીનગર, પંચમહાલ, ખેડા, છોટાઉદેપુર, વલસાડ, દમણ, દાદરાનગર હવેલી અને ભાવનગરમાં ભારે વરસાદની આગાહી છે. પરમ દિવસે 8 સપ્ટેમ્બરે સાબરકાંઠા, અરવલ્લી, પંચમહાલ, દાહોદ, મહીસાગર અને છોટાઉદેપુરમાં ભારે વરસાદની આગાહી છે.
