Monsoon prediction 22 june: હાલ વરસાદ ખેંચાતા ગુજરાતભરના ખેડૂતો ચિંતામાં મુકાયા છે.
શરૂઆતમાં અમરેલી જિલ્લામાં છૂટો છવાયો વરસાદ થતાં ખેડૂતોને આ વખતે વરસાદ વહેલો થશે તેવી આશા હતી.
તેને લઈને ખેડૂતોએ અગાઉ વાવેતર કરી દીધું હતું. પરંતુ વરસાદ ન આવતા કપાસ, મગફળી અને અન્ય ખેત જાણસો મુરજાવા લાગી છે.
ખેડૂતો હવે મેઘરાજાની ચાતક નજરે રાહ જોઈ રહ્યા છે. હવામાન ખાતાની આગાહીના પગલે અમરેલી જિલ્લાના મોટાભાગના વિસ્તારમાં વરસાદની આશાએ અને ભીમ અગિયારસનું શુકનવતું મુહૂર્ત સાચવવા ખેડૂતોએ વાવેતર કરી દીધું હતું.
હાલમાં છેલ્લા ઘણા સમયથી વરસાદ ખેંચાયો છે. અમરેલી જિલ્લાનો મુખ્ય પાક મગફળી અને કપાસ છે ત્યારે ખેડૂતોએ આગતર વાવેતર કરી દીધું હતું,
આ પણ વાંચો : જીરુંમાં આજે ઊંચો 6500 રૂપિયાનો ભાવ, જાણો તમારા માર્કેટ યાર્ડમાં શું છે આજના જીરૂના ભાવ
ત્યારે હવે ખેડૂત મૂંઝાયો છે આકાશમાં દેખાતા કાળા ડિબાંગ વાદળાઓ સામે જોઈ અને વરસાદની રાહ જોઈ રહ્યો છે. ખેતરમાં નાનકડા કુમળા છોડ પણ વરસાદની રાહ જોઈ રહ્યા હોય તેવું લાગી રહ્યું છે.
જો વરસાદ થઈ જાય તો મગફળીનો પાક બચાવી શકાય અન્યથા ખેડૂતને શું કરવું તે હાલ અવઢવમાં છે.
કપાસના છોડ મુરઝાવા લાગ્યા Monsoon prediction 22 june
મગફળીનું વાવેતર કરનાર ખેડૂતોનું કહેવું છે કે, ભીમ અગિયારસ પહેલા વરસાદની આગાહીના પગલે ખેડૂતોએ કપાસિયાનું વાવેતર અને ચોપણી કરી દીધી હતી.
હાલ વરસાદ ખેંચાયો છે. મોંઘા ભાવના કપાસિયા, દવા, ખાતર, બિયારણ આ બધોજ ખર્ચ ખેડૂતોને હાલ માથે પડ્યો છે. ખેતરમાં ક્યાંક ક્યાંક કપાસિયા છે.
બાકીના તમામ કપાસિયાઓ ફાટી ગયા છે. એટલે કે કપાસનો વાવેલો પાક નિષ્ફળ ગયેલો દેખાય છે અને ખેડૂતો આકાશ સામે જોઈને વરસાદની આશા સેવી રહ્યો છે. ત્યારે ખેતરમાં એકલદોકલ કપાસિયાનો છોડ પણ હવે મુર્જાવાની તૈયારીમાં છે.
