નદીઓમાં આવશે પુર: અંબાલાલ પટેલે 24 કલાકમાં મોટાભાગના વિસ્તારોમાં વરસાદની શક્યતા વ્યક્ત કરી છે. તેમણે કહ્યું છે કે પૂર્વ ગુજરાતના ભાગોમાં ભારે વરસાદની સંભાવના છે. જેમાં સુરત, નવસારીમાં પણ ભારે વરસાદની શક્યતા દર્શાવવામાં આવી છે.
રાજસ્થાન-ગુજરાતના સરહદી વિસ્તારમાં વરસાદની આગાહી કરવામાં આવી છે. ઉદયપુર સહિતના ભાગોમાં ભારે વરસાદની શક્યતા છે. શામળાજી, વિજયનગરમાં ભારે વરસાદ પડી શકે છે.
આગાહીકાર અંબાલાલ પટેલે જણાવ્યું હતું કે, ભૌગોલિક સ્થિતિને કારણે દક્ષિણ સૌરાષ્ટ્રમાં ભારે વરસાદની શક્યતા છે. 2 ઓગસ્ટથી 5 ઓગસ્ટની વચ્ચે દેશના પશ્ચિમ ભાગોમાં ભારે વરસાદની શક્યતા છે.
આ પણ વાંચો : બે સિસ્ટમ સક્રિય થઈ.. આ જિલ્લાને ઘમરોળી નાખશે વરસાદી સિસ્ટમ
નદીઓમાં આવશે પુર: 6 ઓગસ્ટે મધ્યપ્રદેશમાં ભારે વરસાદ પડશે.જેની અસર ગુજરાતમાં પણ થવાની શક્યતા છે. 8-9-10 ઓગસ્ટના રોજ મુંબઈ મહારાષ્ટ્રમાં ભારે વરસાદ પડશે. ગુજરાતમાં 11-12 ઓગસ્ટના રોજ ભારે વરસાદ પડશે. દક્ષિણ ગુજરાતની નદીઓમાં પૂર આવવાની સંભાવના છે.
તો દક્ષિણ સૌરાષ્ટ્રમાં ભારે વરસાદની સંભાવના છે. 23 ઓગસ્ટથી વરસાદ થવાની સંભાવના છે. 2 સપ્ટેમ્બરથી 7 સપ્ટેમ્બર સુધી ગુજરાતના ઘણા ભાગોમાં સારો વરસાદ થવાની સંભાવના છે.
જેથી માછીમારોને આ દિવસોમાં દરિયો ન ખેડવાની સૂચના આપવામાં આવી છે. હાલમાં સક્રિય ઓફશોર ટ્રફ અને સાયક્લોનિક સરક્યુલેશન મોટાભાગના જિલ્લાઓમાં વરસાદ વરસી રહ્યું છે. સુરત, નવસારી, વલસાડ, દમણ અને દાદરા નગર હવેલીમાં આજે ઓરેન્જ એલર્ટ સાથે ભારે વરસાદની આગાહી કરવામાં આવી છે.
સૌરાષ્ટ્ર અને દક્ષિણ ગુજરાતમાં ઓગસ્ટમાં સામાન્ય કરતાં ઓછો વરસાદ નોંધાશે, જ્યારે અન્ય જિલ્લાઓમાં સામાન્ય વરસાદ પડશે.
દક્ષિણ ગુજરાતમાં ધોધમાર વરસાદને કારણે પૂરની સંભાવના હવામાન નિષ્ણાત અંબાલાલ પટેલે વ્યક્ત કરી છે. ગુજરાતમાં વ્યાપક વરસાદ વચ્ચે અંબાલાલ પટેલની આગાહી આવી છે. અંબાલાલ પટેલે જણાવ્યું હતું કે ઓગસ્ટ મહિનામાં દક્ષિણ ગુજરાતમાં ભારે વરસાદ પડી શકે છે.
દક્ષિણ ગુજરાતમાં પૂરની સ્થિતિ સર્જાઈ શકે છે. દક્ષિણ સૌરાષ્ટ્રના કેટલાક ભાગો, જૂનાગઢ, અમરેલી અને ભાવનગરમાં ભારેથી અતિભારે વરસાદ પડી શકે છે. જામનગરમાં હળવોથી ભારે વરસાદ પડી શકે છે. તો ઉત્તર સૌરાષ્ટ્રમાં ભારે વરસાદ પડી શકે છે.
રાજસ્થાનના ભાગોમાં પાણી ભરાઈ શકે છે. રાજસ્થાનને અડીને આવેલા ગુજરાતના ભાગોમાં સાવચેતી રાખવામાં આવી છે. જ્યારે બનાસકાંઠા, મહેસાણામાં ભારે વરસાદ પડી શકે છે.
